رضوض و كدمات

عالسلامة بربي عندي أمي طاحت على جنبها اليسار موجوعة و عندها بلاصة كيف تمسها تلقاها يابسة تحت الضلوع بالضبط صورت نلقاو العظم لاباس و عطاها الطبيب مضاد للالتهاب كاهو توا نهارين تشرب فيه. نخب نسأل البلاصة اليابسة تقعد برشا باش ترتاح و شنوا تعمل. شكرا

الدكتور عصام اللواتي

أخصائي جراحة العظام و المفاصل

حط الثلج مدة نصف ساعة ثلاث مرات في اليوم توا تبرا. ما تخافش من هذاك المكان اليابس ينجم يكون شويا دم محصور معاه التهابات والثلج يساعد برشا في انو البدن يتخلص منو. الثلج أقوى من الدواء عشرة مرات لذلك لازم المريض يستنى ويحط الثلج وما يحطوش ديراكت على البلاصة.. يحطو بعد ما يلفو بمنشفة باش ما يحرقش الجلدة. الثلج مدة جمعة عشرة أيام توا كل شئ يختفي

ما مدى رضاك عن هذه الإجابة؟

أرسل إلى صديق

رضوض و كدمات

جاري البحث...

جاري تحديد الموقع...