مشكل في البلع

عندي مشكلة في قراجمي ديما عندي بلغم رغم اني داويت عليه قبل عند طبيب عام نقص مدة و من بعد رجع كيما العادة و نحس في حاجة واحلة في الجانب الأيمن من الحلق متاعي كيما الكتلة ولا كيفاه حتى مشكلة ما عادش عيني فيها وليت ما عادش نبلع نحس الماكلة توحل في قراجمي وليت ما نشرب كان السوائل و حتى كي نشرب نحس في حاجة في قراجمي في الجهة اليمين و ساعات في ليل قراجمي و أنا راقدة نفسها شايحة و وجايع في الجانب الأيمن و من بعد ماعادش نجم نبلع و ماكلة مبعد ما نبلعها ترجعلي "جاير" و وليت بعد أي ماكلة خفيفة ولا موش خفيفة يصلي تجشؤ حاد"تقريع" و قبيلة حسيت بوجيعة في كرشي ولا معدتي و أصوات
قبيلة حاولت نأكل شوية gâteau حسيت روحي بش نشرق و وليت نشرب في الماء و حسيت بلي الماكلة كاينها واحلة في قراجمي كرهت الماكلة و ماعاد عيني بش نأكل شى
موش عارفة شنيا عندي و شنوا الطبيب الي نمشيلوا اختصاص شنوة و هل حالتي خطيرة ولا لا و شنوا لازمني نعمل و وين نمشي و هل مشكلتي ينجم يكون عندها علاقة بالاعصاب ولا لا