اكتئاب

عندي مدة نعاني مالاكتئاب و اعراضو الكل عندي وصلت حتى جاتني افكار انتحارية اما تو نقصت الاعراض شوية اما مازلت متقلقة و عندي بارشا تسويف حتى اني وصلت خذيت موعد مع طبيب نفسي تابع الجامعة عندي شهرين و لتو لا مشيت..انا نقرا في الجامعة و ما قريت شي من اول العام بسبب الاكتئاب و تو عندي جمعتين عطلة باش نقرا فيهم و عالاغلب ما يكفيوش..مشكلتي ماعاش انجم نقرا و ما نجمش نركز ووين نحط نقرى نحس روحي فادة و نمشي نسمع غناء و الا اي حاجة تبدلي مودي عندي 16 ماتيار و بارشا دروس و انا عندي 3 ايام نلخص في نفس الدرس و حتى الصباح ما نجمش نقوم (على فكرة راني طول عمري متميزة في القراية و ماكنتش هكا جملة) كان باش نكمل هكا باش ندوبل لازمني حاجة تموتيفيني باش نقرا و ما عنديش وقت باش نمشي
لطبيب نفسي و ديجا ماخذة موعد مع الطبيب الجامعي كان نمشي باش نضيع نهار مراجعة و ضميري يأنبني..فماش مضاد اكتئاب انجم ناخذو من غير وصفة طبية بشرط يكون مفعولو فوري و الا اي حاجةاخرى تحفزني باش نقرى؟؟؟
يعني حاجة وقتية و مفعولها فوري تعاوني و دوب ما نكمل المراجعة نشوف طبيب نفسي خاطر البلاصة الي نسكن فاها ما فيهاش طبيب نفسي قريب و كل نهار يتعدى قلبي يوجعني كيفاه ما قريتش و خايفة حالتي تزيد تسوء اكثر