طنين في اللأذن وضباب في الرؤية

الثلاثي الأول ما دخلتش نقرى على أساس بنرتاح فيه وبعدها نرجع نقرى عادي للثلاثية الثانية فالشهور الأولى كنت عايشة عادي أما كي رجعت نقرى في الثلاثي الثاني فقت بالأعراض متاعي أكثر كيما وجيعة راسي والحاجة نشوفها زوز وطنين في وذني مشيت لطبيب أعصاب جتني صدمة خاتره تجاهلني في معاملته ومشيت لطبيبة عيون عالجت العدسة متاعي وخلتني نتحسن أما توقفت في مرحلة أني مازلت نشوف زوز وقتلي التخطيط قال لاباس مشيت لطبيب عام كان باهي معايا عطاني دواء نفسي وقلي بالوقت تبري وقعدت نتبع معاه حتاش في الموعد الثالث(بعد قرابة عام) قلي بري عدي على عيونك مش إختصاصي وهو كان قبلها يقلي عندك إحباط تحويلي وحتر نفسيتك مش إختصاصي.. ياخي مشيت لطبيب نفسي ماعملي شيء كان أنا نبكي وهو يشوفلي بعتالي عطاني نفس الدواء النفسي وقلي مع الوقت تو تولي لاباس أرجعيلي بعد شهرفمرجعتلاش وتو أني بالحق حايرة ومانيش فاهمة إلي يصير معايا نحس بتدهور أصلا في حالتي وقاعدة نستى كان في وقت من غير تأطير طبي .
منيش عارفة إذا كان كلامي أصلا يهمكم أما إذا فما حتى 1 مهتم نقدر برشا معروفك وإذا تنجم أنصحني