dépression

منعرفش منين باش نبدا ولا كيفاه باش نحكي اما نحاول نختصر خاطر حاسة حياتي وقفت بالحق .
من تسعة سنين الحكاية بدات أولها أنو خطبني ولد حومتي و محبتو ليا كانو يضربو باها المثل في الحومة خاطر مكنتش نحبو لكن هو عمل المستحيل باش في اللخر خذيتو و كيف خذيتو بمعاملتو حبيتو و عيشت على اساس الانسان هاذا مستحيل اجي نهار و يبعد عليا و لكن في اللخر بعد و خير اهلو خاطر أمو ماكنتش تحبني من اللول ، أول حالة صارتلي (أنو بابا تعارك معاه بعد موفا المكتوب ) هازوني بسببها للاستعجالي(نعرفش كيفاه باش نفسر اما قولوش عليا دايخة رغم أنو نسمع في العباد كيف تكلمني و منجمش نجاوب و كيف نقوم نقوم نبكي اوبره و منجمش نسكت من البكاء )
حالة هاذي ولات تتعاودي من وقتها . بعدت و عرست عرس تقليدي و قلت رتحت باش نبعد وهنا لقيت روحي في حكاية اخرى انسان باهي محترم عائلي اما معمرو محسسني اني مرا ( ميخافش عليا عادي يعني ندوخ قدامو و اقولي قوم يزي من التمثيل ، ميدافعش ليا ، مايقفش معايا حتى لو اني صحيحة ، ديما احب اضهرلي الي اني منسوا شي منعرف شي منجي شي قدام النساء ) رغم هذا و تعايشت و تعودت على الوضع و بحكم اني بعدت و معادش لاقيا حد بجنبي
وليت أبسط مشكلة في حياتي نعمل حاجة في روحي نشلط روحي نقرص روحي نعض روحي و ساعات نخمم نوصل أني نوصل نشرب الداوء و نقتل روحي
وليت نحس الي عندي عبد اخر في داخلي اكلم فيا اشجعني باش اني نعمل الشي هذا ولا الومني كيفاه تصرفت و عطيت ثقتي فيه ولا كيفاه عطيت فرصة اخرى منعرفش كيفاه باش نوصفلك اما صوت اذك اقلي رد بالك تبكي معمرك متبكي اني نجي باش نبكي و هوا إلزني باش نعمل في روحي حاجة خاطر بكيت .
ميمتي توفاة و هنا لقيت روحي وحدي الانسانة الا كانت رفيقتي بالحق رفيقتي لانو ابسط الحاجات و اخطر الحاجات في حياتي نحكيهملها ليها الانسانة الا كيف نحكيلها منخمشش في كلامي شنوا باش نقول و شنوا منقولش لانو هي الوحيدة الا تعرفني من وقتها
عقلي ولا كيف سبورة بيضاء نحب نرجع نخمم في حاجات صارو نسترجع حاجات ميحبش اخمم و اكنو متبلوكي وكينو نساهم منيش منجما نخمم في حتى حاجات و details صاروا . جبت صغار من 3 سنين ولا عندي احساس جديد الي هو اني منيش ام مثالية الي مقصرا معا صغاري قد ما نعمل و كيف نحط راسي على المخدة في الليل نحس الي نعمل فيه شوايا. حسيت حياتي وقفت نرا في صحابي كيفاه ولاو كيفاه كنت خير منهم في القراية نحس مسنقبلي ضاع . بكيت لدرجة انو قلب وجعني على اللخر لدرجة انو معدش منجما نبكي حتى لوكان صارت حاجة تبكي منجمش نبكي خاطر عقلي و صوت الا في داخلي اقولي متبكيش مخي متعبني نحاول اني نتذكر الحاجات الخايبة و كأنو فسخهم معاتش منجما نتذكر حتى شي و تو ولاو حتى الحاجات الباهية معادش متذكرتهم .