Tunisie

صباح الخير أنا 26سنة متخرجة ما نخدمش بريود 4 سنين هذي اكتشفت عايلتي صغيرة و موسعة أنا بنت واحدة في دار و زوز أولاد أنا مشكلتي أني تربيت تربية غالطة تربية تسلط من جهة أم و لبو ك ك ما نسمعش كلام أمي تضربني على خاطر هي وصتني باش نقضي و نلم دار و تجي تلقاها كما هي نهار تعملهولي تهيني ساعات بكلام جارح و مقارنة مع أخوتي لأولاد و مع مجتمع ابسط مثال"تصويرة متع دخول عام من أعوام دراسة تقول شوف خوك ما أحلاه و انتي هذي تصويرة مصورتها ما خيبك ماال منظر " تقارني مع بنات جيران ديما في نطاق قضية دار بنت فلانة قضاية و تڨد أمور دار كل و انتي كان ما نقول اعمل اك حاجة وبضرب تمشي هذا من عمر 10سنين بديت طريقة معاملة هكا
وصلت سنة مراهقة قالت طفلة باش تبدى تتحل عينيها خلي ناقفلها بدت ما تمشيش و ما تبعش بنت فلان بها و عليها علاش خاطر بنت فلان تلبس و عينيها محلولة هكا علاش تقولي هي تحب تبعدني ما تلبسش لبسة هذيكا تختارلي هي لبستي ما تخلينيش ع راحتي جملة و ضرب و نبز و كلام ماسط كله نيمعه كالعادة ما تبدلتش
هذا إلي خلني أنا تو مذبذبة في اختياراتي و قراراتي و حياتي كل موش فاهمة ما عنديش ثقة في روحي و لا في قراراتي و ما نحبش روحي من داخل كما انا نحب ما نحسش به شعور هذا الحب جملة شخصتي ياسر ضعيفة ما نجمش ندافع ع روحي و على قراراتي ديما أنا مغلوبة و مطيحة من قيمتي ديما أنا ضحية و مجتمع ما رحمنيش
لمحيط إلي نشأت فيه سلبي و عنيف برشا تعديت بطاقتهم و أفكارهم سلبية و مقارنات تكونت عندي مجموعة من عقد النفسية متعددة كما ذكرت قلة ثقة في نفس ،خوف، شخصية ضعيفة لازمها ديما تكون مطيعة لجميع أوامر و تخاف ما عندي حتى قيمة لنفسي و ضحية كما تولد فيا زادة اكتئاب و ديما ققالقة و نبكي
تعععععععبت ماعادش نجم نستحمل روحي هكا نحب نتولد إنسانة اخرى شخصيتها قوية عندها ثقة قوي في روحها تنجم دافع على روحها مهما كانت موقف إلي فيه و تعطي لروحها قمية قبل ما تعطيها لحد ما يستهلش و دور ضحية يزني منه نحب نبدل و اكهو
عاونوني على حل عقد هذي كل نعرف يطلب برشا وقت موضوع إذا فما طبيب و لا طبيبة نجم نتواصل معه رسائل
يكون أفضل و شكرًا