dépasser une grossesse arrêtée

انا معرسة عندي قريب عامين مالاول انا و راجلي محبيناش نجيبو اما مخذيناش موانع حمل و من بعد وقتلي حبينا مكتبش .. مشينا المختص قبل اصلا مانستعمل حتى شئ فقت بروحي حبلة احساس بين فرحة و برشا خوف خاتر عندي دم يهبط عرفت الي هي مش بش تكتب و فعلا ...
، قلت ميسالش اصلا منيش نستنى فيها اما فمة نوع مالقلق ..
فالفترة الي تقريبا مستحيل نحبل فيها حب ربي و حبلت فرحت فرحةة ما تتوصفش انا و راجلي و و صلت للشهرين و ولى عندي قلق كي خفت قلت الراجلي خنمشيو يعملولي اكو المهم يطمنوني ياخي لقاوها وقفت و لقو عنظي نزيف داخلي و كان لازم بالوقت ينحوهولي مالصدمه و كل شي جا على غفلة ما نجمت نفهم شي كان كي فقت مالبنج و عديت اخيب ليله في حياتي بين وجايع القلب و وجايع الضمير
بكيييييت قد ما حبيت فماش ما نتفرهد و شئ
ليوم هو 5 يوم علي صار كل ما نتفكر نحس بالذنب خاتر الطبيبه قتلي الي انا يا تفجعت يا طحت يا حاجه هكا و انا من وقتها و انا
مشاعري داخلة بعضها و نحس بالذنب على الاخر كايني نحس في قلت مسؤولية مني بالرغم الي انا بطلت الخدمة بش ما نتعبش و انا عارفه الي وضعيتنا المادية ما تسمحش اما كلو يهون .. يا خي ماكتبتش